Книжевна средба : Творештвото на Ани Ерно: сеќавање, жена и општество

По повод Светскиот ден на книгата, Францускиот институт во Скопје, во соработка со Националната и универзитетска библиотека „Свети Климент Охридски”, организира средба посветена на делото на Ани Ерно, значајна фигура на современата француска литература и добитничка на Нобеловата награда за литература во 2022 година.

Отворање од страна на:

г-дин Јовица Никчевски, Директор на Националната и универзитетска библиотека

г-дин Грегоар Жислер, Директор на Францускиот институт во Скопје.

ГОВОРНИЦИ:

– Елисавета Поповска, професорка на Филолошкиот факултет „Блаже Конески” во Скопје и преведувачка на романот Девојчински спомени, која ќе ги претстави темите на делото, како и предизвиците при преводот;

– Андријана Папиќ, преведувачка на романот Годините и соработничка на издавачката куќа Илика, одлична познавачка на делото на Ерно;;

– Ивана Трајаноска, декан на Факултетот за странски јазици на Универзитетот American College Скопје и писателка, која ќе зборува особено за местото на жената во книжевноста; ;

– Ведран Диздаревиќ, професор на Филолошкиот факултет, Катедра за компаративна книжевност, кој ќе ја анализира специфичноста на нејзиното пишување и значењето на нејзиното творештво за македонската публика;