Месечни кино средби I Тест на издржливост I Среда 21.10 2026 | 20:00 | Кинотека

Синопсис:

Иго има 19 години. Како и секое лето, празниците ги минува на еден остров во Атлантскиот Океан, во мала семејна куќа. Но оваа година е поинаква. Иго, пред сè, физички се променил, а оваа година доаѓа со девојка му Квин, козметичарка со изразен темперамент и вештачки нокти со циркони.
Нејзиниот впечатлив стил е во целосна спротивност со воздржаноста и срамежливоста на младиот Иго. За кратко време, нивната врска привлекува сè поголемо внимание.

Медиумите напишаа:

Крајот на адолесценцијата, класната борба и туѓото мислење – овој искрен и трогателен дебитантски филм го открива талентот на главната протагонистка и ја потврдува умешноста на останатите членови на екипата. (Банд а пар)

Филмот на Орелијан Пере е ода на тоа да останеме свои и да ги сакаме луѓето што сме одбрале да ги сакаме, и покрај општествената осуда. Тој нè поттикнува да останеме доследни на себе, дури и ако тоа значи дека нема да бидеме прифатени од групи кои честопати се токсични. (Франс инфо)