Конференција и средба посветени на иновацијата, претприемништвото и креативните индустрии во Франција I 28.10 и 29.10.2025

Настанот „Иновации во циркуларната економија и креативните индустрии”, што ќе се одржи во Скопје од 27 до 30 октомври 2025 година, ќе ги состане на едно место локалните и меѓународните дејци во доменот , за размена на идеи околу предизвиците на еколошката транзиција и креативноста, со цел да се поттикне локалната и европската динамика во насока на еколошката и дигиталната транзиција.

Францускиот институт во Скопје се приклучува на оваа иницијатива со присуство на неколку француски експерти кои ќе учествуваат на стратешки панел дискусии.

– Првиот панел ќе има за цел го претстави екосистемот на стартап компаниите во Франција, со цел да се споделат добрите практики и да се инспирираат македонските компании.

– Вториот панел ќе биде посветен на финансирањето на стартап компаниите, каде што француски експерт ќе ги презентира механизмите за поддршка на иновациите и претприемништвото.

– Третиот панел ќе ја истражи улогата на вештачката интелигенција и дизајнот во циркуларната економија, со учество на реномиран француски специјалист во доменот.

Овој настан е организиран во соработка со Енерготехнома, Европски институт за иновации и технологија и Акцелераторот УКИМ и е дел од големиот проект на ФЕФ „Дигитални уметности, иновации и млади”.

Организирано од Бизнис Акцелератор УКИМ како иницијатива на ЕИТ заедницата во Северна Македонија во соработка со Францускиот институт во Скопје, Енерго Технома и МАМЕИ