02 Мар Финале на натпревар по изразно читање #ЧитајНаФранцуски2023 | 1.04.2023
Драги учесници на натпреварот по изразно читање,
Бројот на пријавени беше навистина огромен – повеќе од 90 основци и средношколци од Македонија!
Тимот на Францускиот институт срдечно ви се заблагодарува за огромниот интерес и мотивација за учество на овој натпревар !
Пред овој навистина голем успех , одлучивме на сите да ви дадеме можност да учествувате на оригинален и забавен начин преку кој ќе ги истакнете вашите читачки способности и креативност.
За да учествувате на натпреварот, треба да снимите видео во траење од 4 минути максимум во кое ќе читате избран текст на тема „страв“ и да го поставите / објавите во Фејсбук групата наменета за „Натпревар за изразно читање 2023“ најдоцна до 17 март.
Големото финале ќе се одржи в сабота, на 1-ви април, во 12 часот, во Кинотеката на Северна Македонија.
Еве кои се правилата за учество :
- Во видеото (во времетраење од 4 минути максимум) треба да се види дека читате текст
- Важно е жирито да може ве јасно да чуе, затоа внимавајте звукот да биде чист.
- Секаква изведба и сценографија се дозволени. Ослободете ја креативност и имагинацијата ! Исплашете ги гледачите!
- Видеото треба да го објавите во Фејсбук групата наменетаза овој конкурс. Секако, слободно можете, доколку имате желба, видеото да го споделите и на други социјални мрежи користејќи го хаштагот #ЧитајНаФранцуски2023
- Пред да го објавите видеото, не заборавајте во описот (објавата) во групата да ги наведете вашето име и презиме, категорија во која се натпреврувате (основци или средношколци), како и името на вашето училиште и град.
Жирито, составено од еминентни професори по француски, ќе одбере 6 финалисти во категоријата основци и 6 во категоријата средношколци, според следниве критериуми:
- Читање (изговор, артикулација)
- Изразно читање ( експресивност )
Одбраните финалисти ќе бидат објавени на 22 март 2023 и ќе учествуваат во големото финале на натпреварот кое ќе се одржи в сабота на 1ви април во 12ч во Кинотеката на Северна Македонија.
Секој од финалистите ќе го прочита својот текст во живо, а жирито ќе ги објави победниците од секоја категорија.
Сите учесници на натпреварот ќе добијат благодарница за учество и бесплатен пристап од една година до нашата електронска библиотека, а воедно се поканети на големото финале да го поддржат својот фаворит.
Победникот и финалистите ги очекуваат вредни награди!
Најдоброто видео од секоја категорија ќе биде наградено и прикажано за време на големото финале!
На позиција….?Спремен/спремна?…. Читај!
