02 Feb Edicioni i 4-t i Konkursit të leximit, destinuar për nxënës të shkollave fillore, të mesme dhe studentë
Nga 12 shkurti deri më 8 mars 2026
Edicioni i 4-t i Konkursit të leximit
nga 12 shkurti deri më 8 mars 2026
Ky konkurs, i organizuar tashmë nga Instituti Francez në Shkup, tubon çdo vit nxënës të shkollave fillore, të mesme, dhe studentë rreth një pasioni të përbashkët për leximin.
Konkursi është në kuadër të Natës së leximit, një ngjarje që shënon letërsinë dhe diversitetin e zërave frankofonë.
Ky konkurs synon të promovojë kulturën frankofone dhe të forcojë lidhjet midis të rinjve të Maqedonisë së Veriut dhe pasurisë së letërsisë frankofone.
Tema e propozuar e këtij viti është Qytetet dhe fshatrat.
Përshkrimi i temës
Vizioni i marrëdhënies qytet-fshat që mbizotëroi aty deri në mesin e shekullit të XX-të, duke kundërshtuar në mënyrë klasike territoret urbane dhe rurale, është një burim frymëzimi për vepra të shumta letrare, në të gjitha zhanret, nga romanet policore deri te ato fantastiko-shkencore, e bile deri te poezia. Në formën e tij të zhdukur, bashkëkohore, futuriste, ose fantazinë, qyteti, si frymëzim kryesor, ushqen imagjinatën letrare dhe artistike, si dhe studimet sociologjike dhe gjeografike.
Një motiv kryesor letrar në shekullin e XIX-të, qyteti është një vend i të gjitha mundësive, ose i të gjitha trazirave, fole e përshtatshme për reflektim moral dhe shoqëror. Fshati, nga ana tjetër, si një motiv frymëzimi në letërsi, vë në pikëpyetje marrëdhënien tonë me tokën dhe natyrën. Sinonim i autenticitetit sipas disa autorëve, hapësira rurale ofron një temë të pafundme romanësh përmes peizazheve, zakoneve dhe traditave dhe banorëve të saj. Sot, çështjet e tranzicionit ekologjik po e ripërcaktojnë këtë marrëdhënie midis qyteteve dhe fshatrave.
Të lidhura ngushtë, këto dy hapësira gjeografike plotësojnë njëra-tjetrën pavarësisht përshkrimeve të tyre që janë të vështira për t’u çrrënjosur. Natyra, vendbanimet, lëvizshmëria, afërsia, identiteti dhe organizimi politik, si dhe rregullimet dhe pabarazitë territoriale, janë shpesh në fokus të autorëve bashkëkohorë. Pjesëmarrësit lexojnë një tekst, fragment ose varg në frëngjisht nga autorë francezë ose frankofone sipas zgjedhjes së tyre.
Pjesëmarrësit lexojnë një tekst, fragment ose varg në frëngjisht nga autorë francezë ose frankofone sipas zgjedhjes së tyre.
Konkursi është i destinuar për pjesëmarrës nga shkollat fillore, edhe atë nga klasa e gjashtë deri në të nëntën, mandej për nxënës të shkollave të mesme dhe studentë frankofone nga mbarë vendi.
Rregullore
Pjesëmarrësit ndahen në 6 kategori:
Kategoria e arsimit fillor (klasa e 6-të deri në të 9-tën)
Kategoria e arsimit të mesëm – paralelja klasike
Kategoria e arsimit të mesëm – paralelja dygjuhëshe frankofone
Kategoria e shkollave fillore ndërkombëtare
Kategoria e shkollave të mesme ndërkombëtare
Kategoria e studentëve
//: Numri i kandidatëve nga një shkollë nuk është i kufizuar, e ndërkaq regjistrimi bëhet përmes mësimdhënësit të tyre përkatës të frëngjishtes.
Për të marrë pjesë, duhet të:
1. Zgjidhni një tekst nga një autor francez ose frankofon, në përputhje me idenë e konkursit të këtij viti, të theksuar më sipër. Për përzgjedhjen e teksteve, mësimdhënësit dhe nxënësit mund të përdorin sipas dëshirës librat që janë në dispozicion në mediatekën e Institutit Francez në Shkup.
2. Regjistroni një video 2 deri në 4 minuta, ku do të lexoni tekstin e përzgjedhur.
Videoja duhet t’i përmbahet afatit kohor – minimumi 2, maksimumi 4 minuta dhe duhet të tregojë pjesëmarrësin duke lexuar tekstin e tij.
Ju lutemi, që kur të regjistroni videot tuaja, t’i kushtoni vëmendje cilësisë së zërit. Zëri i pjesëmarrësit duhet të jetë i qartë dhe i kuptueshëm, në mënyrë që të dëgjohet qartë. Lejohen të gjitha format e interpretimit skenik.
Ne i inkurajojmë pjesëmarrësit të përdorin kreativitetin e tyre.
Publikoni videon në grupin e Facebook-ut kushtuar Konkursit të leximit ekspresiv 2026, nga data 12 shkurt, e deri më 8 mars 2026. (hashtag #LexoNëFrëngjisht2026).
Il faut publier la vidéo du 12 février au 8 mars 2026 dans le groupe Facebook dédiée au Concours de lecture 2026 (hashtag #ЧитајНаФранцуски2026).
Ju lutemi respektoni rregullat e konkursit dhe mos prisni deri në ditën e fundit për të postuar videot. Grupi Facebook
3. Përzgjedhja :
Nga data 12 deri më 23 mars 2026, juria e konkursit do të zgjedhë 18 finalistë (nga 3 finalistë për secilën kategori).
Kriteret:
– Diksioni dhe artikulimi i saktë (0-20 pikë)
– Leximi shprehës (0-20 pikë)
– Koherenca dhe interesi i fragmentit të përzgjedhur (0-10 pikë)
Finalistët e përzgjedhur do të shpallen më 23 mars 2026.
4. Finalja dhe çmimet
Finalistët e përzgjedhur do të marrin pjesë në finalen e madhe, e cila do të mbahet të shtunën, më 4 prill 2026, nga ora 12:00 në Kinoverzum (komuna e Kisella Vodës).
Në finale, 18 finalistët do të lexojnë drejtpërdrejt para publikut, ndërkaq juria do të shpallë fituesit në secilën kategori.
Çmimet
Të gjithë finalistët do të shpërblehen me nga një libër në frëngjisht dhe qasje falas në mediatekën dhe Culturethèque për një vit.
Për të gjitha pyetjet që lidhen me konkursin, ju lutemi na kontaktoni në adresat e mëposhtme elektronike ose në numrin e tel. 02 3 118 503, edhe atë nga e hëna e deri në të premten, nga ora 13:00 deri në orën 16:00.