Mbrëmje franceze me Kuartetin Hermes | Në Festivalin “Vera e Ohrit” | Më 30.07.2026

Kuarteti Hermes është një ansambël francez i muzikës së odës, i themeluar në vitin 2008 në Konservatorin e Lartë Kombëtar të Muzikës dhe Vallëzimit në Lion. Ai përbëhet nga Omer Bushe dhe Elis Liu (në violinë), Lu Jungsin Çang (në violë) dhe Jan Levionoa (në violonçel). Kuarteti është afirmuar si një nga formacionet më të spikatura franceze të brezit të tij. Që nga themelimi, Kuarteti Hermes ka fituar disa çmime prestigjioze ndërkombëtare, ndër të cilat Çmimin e Parë në Konkursin Ndërkombëtar të Muzikës së Odës në Gjenevë dhe çmimin e Young Concert Artists International Auditions në Nju-Jork.

Ai ka interpretuar në salla dhe festivale të njohura botërore, në Francë, Evropë dhe më gjerë. Interpretimet e tyre, përfshirë edicionin e plotë të kuarteteve të Shumanit, si dhe interpretimet e veprave të Ravelit, Debisit, Ditijos dhe Shubertit, janë vlerësuar lart nga kritika e specializuar ndërkombëtare, duke konfirmuar ndjeshmërinë e tyre interpretuese dhe teknikën mjeshtërore.

Pjesëmarrja e Kuartetit Hermes në këtë festival zhvillohet në kuadër të mbrëmjes tradicionale franceze, fryt i bashkëpunimit afatgjatë ndërmjet Ambasadës së Francës, Institutit Francez në Shkup dhe festivalit, duke forcuar dukshmërinë e krijimtarisë klasike franceze para publikut vendas dhe ndërkombëtar.