20 Aug Dita e Dyerve të Hapura 2026
Me rastin e fillimit të vitit shkollor me veprimtari kulturore, Instituti Francez në Shkup hap dyert e tij për publikun për një ditë nën shenjën e njoftimit, shoqërimit dhe krijimtarisë!
Kjo ditë do të ndërthurë informacionin, kulturën, muzikën, kinemanë, lojërat, krijimtarinë digjitale dhe takimet joformale, për tu njohur me Institutin Francez si një hapësirë e gjallë, e hapur dhe pjesëmarrëse.
Ejani të zbuloni të gjitha aktivitetet e Institutit Francez, të bashkëbisedoni me ekipin dhe partnerët tanë, të takoni artistë dhe të eksploroni forma të ndryshme të krijimtarisë bashkëkohore.
Në prag: 09 shtator
Ekspozitë & Takim me artistin Gjorgje Jovanoviq
Të mërkurën, më 09 shtator 2026 nga ora 17:00 deri në orën 18:00
Exposition
Stina kulturore do të fillojë që të mërkurën, më 9 shtator, me ekspozitën e artistit Gjorgje Jovanoviq, të prezantuar në vitrinën e Institutit Francez.
Një shije paraprake e sezonit të ri kulturor, përpara një dite të tërë me njohje dhe takime!
DDH: 10 shtator
Aktivitete shkollore
Të enjten, më 10 shtator 2026 nga ora 11:00 deri në orën 17:00
a. Këndi i leximit për fëmijë
Të enjten, më 10 shtator 2026 nga ora 11:00 deri në orën 11:40
Zbulimi i librave për fëmijë dhe të rinj përmes leximeve dygjuhëshe në frëngjisht dhe maqedonisht, nga albume dhe fragmente të romaneve, të disponueshëm në mediatekë.
b. Kuiz
« Kultura franceze dhe gjuha frënge »
Të enjten, më 10 shtator 2026 nga ora 12:00 deri në orën 12:30
Të ndarë në ekipe, pjesëmarrësit do të duhet të zgjidhin enigma rreth gjuhës frënge, Parisit, gastronomisë, kinemasë, sportit dhe figurave të mëdha franceze.
Publiku: nxënës të shkollave të mesme të ulëta dhe të larta.
c. Vizitë me udhërrëfyes
Të enjten, më 10 shtator 2026 nga ora 13:00 deri në orën 13:30
Një vizitë kushtuar veçanërisht nxënësve të shkollave të mesme, për të zbuluar hapësirat e ndryshme dhe misionet e shumta të Institutit Francez.
Publiku: Të gjitha moshat
DDH: 10 shtator
Shfaqja: « Gratë dhe arti »
Të enjten, më 10 shtator 2026 nga ora 16:30 deri në orën 17:15
Instituti Francez do të prezantojë për herë të parë të gjitha videot e realizuara në kuadër të projektit « Gratë dhe arti », kushtuar disa artisteve nga Maqedonia e Veriut.
Në përfundim të shfaqjes, publiku do të ftohet të bashkëbisedojë me pjesëmarrëset në projekt, artistet dhe realizuesit:
– Biljana Tanurovska
– Ivana Trajanoska
– Jana Lulovska
– Tamara Kotevska
– Dina Duma
Ky takim joformal me publikun e përbërë nga të rinj, do të mundësojë vazhdimin e reflektimit rreth vendit të grave në art, rrugëtimit dhe përvojave të tyre.
DDH : 10 shtator
Çlodhje dhe degustim me DXH Pavelin
Të enjten, më 10 shtator 2026 nga ora 17:00 deri në orën18:00
Për ta përmbyllur ditën në një atmosferë festive, ju presim nën tingujt e muzikës franceze në çaste çlodhjeje dhe shoqërimi.
Me DXH Pavelin
Në program gjithashtu përfshihet: degustim pitesh dhe specialitetesh të përgatitura nga anëtarët e ekipit, madlena, biskota të brishta me gjalpë dhe ëmbëlsira të tjera, të shoqëruara me lëngje frutash dhe ujë.
Aktivitete të tjera:
Gjatë gjithë ditës
Muzikë franceze
Një përzgjedhje e muzikës franceze do të shoqërojë të gjithë gjatë tërë ditës, që nga hapja, për të krijuar një atmosferë të ngrohtë dhe miqësore.
Hapësira e lojërave
Një hapësirë kushtuar lojërave të tavolinës do të jetë e hapur gjatë gjithë ditës.
Paneli pjesëmarrës dixhital: « Instituti Francez i së nesërmes »
Falë një kodi QR, vizitorët do të mund të ndajnë idetë dhe dëshirat e tyre për aktivitetet e ardhshme të Institutit: Çfarë aktiviteti do të dëshiroje të shihje në Institutin Francez? Cilat tema të interesojnë më shumë? Cilat formate i preferon?
Muri pjesëmarrës
Në hapësirën DVD/CD, do ta ftohet që secili të shkruajë një fjalë në një rrotull të madhe letre, një vizatim ose një mesazh destinuar Institutit Francez në Shkup.
Takime të lira dhe hapësira për mbajtjen e orëve të frëngjishtes
Gjatë gjithë ditës, publiku do të mund të bashkëbisedojë me ekipin e Institutit Francez, mësimdhënësit e gjuhës frënge, ish-studentët që kanë përfituar nga ndonjë program mobiliteti ose ndonjë bursë në Francë, si dhe me përfaqësues të katedrës së gjuhës frënge.