ПРОГРАМА ПО ПОВОД ОДБЕЛЕЖУВАЊЕТО НА
50 ГОДИНИ ФРАНЦУСКИ ИНСТИТУТ ВО СКОПЈЕ
МАЈ – ЈУНИ 2024
Драги пријатели,
Францускиот институт во Скопје ја одбележува 50-годишнината од своето постоење!
Францускиот институт, отворен во 1974 година и во минатото познат под името Француски културен центар, отсекогаш имал клучна улога во дефинирањето на културниот, интелектуалниот и едукативниот живот во главниот град, но и пошироко, во Северна Македонија.
Како своевиден светилник во француско-македонското пријателство, Францускиот институт, преку својата редовна програма, досега има отпочнато и поддржано бројни уметнички, културни, интелектуални и универзитетски размени, а честопати бил и во позиција на предвесник.
Институтот, како излог на француската култура и на францускиот јазик, во голема мера дал свој придонес во одржувањето на наставата на француски јазик во школскиот систем во Северна Македонија, а воедно и ја следеше земјата во нејзиниот пат кон Франкофонијата.
По повод овој единствен јубилеј, Францускиот институт ви го носи најдоброто од Франција, преку внимателно одбрана програма, којашто ве покануваме да ја проследите!
Бидете со нас!
Програмата по повод одбележувањето на овој прекрасен јубилеј се реализира со поддршката на Танц-Фест и Интерарт, аптеките Зегин, Ист Гејт Мол, Тиквеш, Пежо, Антолог, Биотек и фестивалот Скопско лето.
–
СОВРЕМЕН ТАНЦ
Петок 17 мај 2024, 20 часот | Македонски народен театар
Танцова претстава по повод отворање на прославата за 50-годишнината на Францускиот институт во Скопје, во соработка и по повод 20. издание на фестивалот „Танц Фест“ во Скопје
« Mosaïk » на Мурад Мерзуки, еден од најактуелните и најпознати француски кореографи, кому француската Влада му ја довери кореографијата на официјалната церемонија на отворањето на Олимписките игри 2024
Настанот се одржува со поддршка на аптеките „Зегин“ и „Пежо“.
Повеќе информации за настанот.
–
ДИГИТАЛНА УМЕТНОСТ
Сабота 18 мај 2024, 12 часот | Централен влез на Ист Гејт мол
Во склоп на прославата за 50-годишнината, Францускиот институт во Скопје, во партнерство со Ист Гејт мол, ви претставува циклус од три иновативни изложби.
За првпат во Скопје, на фасадата на Ист Гејт Мол, погледнете ја изложбата:
« Livelyyy » на Гијомит, во продукција на Elektroni[k]
Повеќе информации за настанот.
–
ДИГИТАЛНА УМЕТНОСТ
Среда 5 јуни 2024, 12 часот | Ист Гејт мол / Француски институт во Скопје
Втора дигитална изложба, во соработка со Ист Гејт Мол, во рамките на прославата на 50-годишнината на Францускиот институт во Скопје
„Пјаф!“
Повеќе информации за настанот.
–
ФИЛМ
Четврток 6 јуни 2024, 20 часот | Кино „Синеплекс“ – Сити Мол (датата и местото треба да се потврдат)
Гала француска филмска вечер „Кан во Скопје“
„Втор чин“ на Кантен Дипје, со Леа Сејду, Луј Гарел и Венсан Лендон, 2024 (филмот треба да се потврди)
По повод одбележувањето на 50-годишнината, Францускиот институт во Скопје ви го прикажува филмот со којшто се отвори овогодишното издание на Канскиот филмски фестивал.
Филмската вечер е поддржана од аптеките „Зегин“ и винаријата „Тиквеш“.
Повеќе информации за настанот.
–
КНИЖЕВНОСТ
Среда 19 јуни 2024, 19 часот | МКЦ – „Кино Фросина“
Средба со писателот Матиjас Енар, писател, ерудит и добитник на најпрестижната книжевна награда „Гонкур“ во 2015 година.
Средбата се организира во соработка со издавачката куќа „Антолог“.
Повеќе информации за настанот.
–
ДИГИТАЛНИ УМЕТНОСТИ
Петок 21 јуни 2024, 12 часот | Ист Гејт Мол
Трета дигитална изложба во соработка со Ист Геј Мол и Амбасадата на Франција, по повод наближувањето на отворањето на Олимписките и параолимписките игри во Париз 2024
„Олимпикос“ – спорт низ зголемена релност од Орелијен Жане
Повеќе информации за настанот.
–
УЛИЧЕН ТЕАТАР
Петок 28 јуни 2024, 21 часот | Улица „Македонија“ и градски плоштад
Затворање на прославата со театарски перформанс
„Сонот на Ербер“ во изведба на уметничката трупа „Кидам“
По претставата следи големо изненадување!
Настанот е во рамките на фестивалот „Скопско лето“ и со поддршка на Пежо и Биотек.
Повеќе информации за настанот.
* * * *
►ЧАСОВИ ПО ФРАНЦУСКИ ЈАЗИК
Повеќе од 1 000 уписи годишно, повеќе од 3 000 одржани часови годишно, 600 ученици и 25 години квалитет и искуство во организирање часови по француски јазик за деца, основци, средношколци и возрасни, за сите нивоа и потреби!
Институтот ви нуди еден иновативен начин да го научите францускиот јазик онлајн или со физичко присуство!
*
ЛЕТНА СЕСИЈА 2024
Францускиот е повеќе од јазик. Тој е свет повеќе.
Летната сесија ќе се одвиваат од 8 април до 10 јуни 2024.
Погледнете ја нашата целосна понуда на часови за 2023 / 2024
Повеќе информации на cours@ifs.mk
–
►МЕЃУНАРОДНИ ИСПИТИ И ДИПЛОМИ
Уписите за мајската сесијата ДЕЛФ 2024 се одвиваат од 08 до 19 април 2024, во Францускиот институт во Скопје.
Испитите ќе се одржат на:
27/05/2024– A1 Junior / A1 tout public
28/05/2024 – A2 Junior / A2 tout public
29/05/2024– B1 Junior / B1 tout public
30/05/2024 – B2 Junior / B2 tout public
31/05/2024 – C1 et C2
Погледнете го календарот на испитни сесии во 2024 година.
* * * *
СТУДИИ ВО ФРАНЦИЈА
Француските универзитетити се отворени за секој заинтересиран кандидат.
Во тек е конкурсот за стипендии на француската влада за 2024 / 2025 година.
Краен рок за достава на кандидатури: 31 мај 2024.
За повеќе информации, информирајте се на: skopje@campusfrance.org
