20 Nov Debati onlajn “Ngrohja globale në Ballkan dhe energjitë e ripërtëritshme” | 27.11.2020
Të premten, më 27 nëntor 2020, ora 10:00
Shkarkoni programin e plotë të ngjarjes
Regjistrohuni në emalin vijues: culture@ifs.mk për të marrë vegëzën në Zoom dhe për të ndjekur debatin onlajn.
Maqedonia e Veriut po përballet, ashtu sikurse edhe pjesa tjetër e botës, me ngrohjen globale dhe problemet e energjisë, të nxitura nga zgjerimi galopant i kryeqytetit të saj Shkupi.
Maqedonia e Veriut po përballet me:
• lëvizje të popullsisë me përqendrim të fortë në Shkup
• prodhim të energjisë elektrike bazuar në termocentralet dhe prodhimin e energjisë me bazë karboni
• ndërgjegjësim të pamjaftueshëm për burimet e ripërtëritshme të energjisë
• ngrohje në shtëpi, ku përdoren lëndë djegëse me kosto të ulët, të cilat ndotin tej mase ajrin
• rritje të numrit makinave automobilistike, shumë prej të cilave janë automjete të përdorura që nuk janë në përputhje me standardet mjedisore ekologjike
• nevojën për transport publik më të zhvilluar.
Debati i organizuar nga Instituti Francez në Shkup, në kuadër të Fondit “Alamber”, i cili do të mbahet tërësisht onlajn për arsye shëndetësore, parasheh, në pjesën e parë, pas ceremonisë së hapjes solemne:
• të jap një vlerësim mbi ngrohjen globale përmes prezantimit të z. Zhil BEF, biolog i shquar, profesor në Universitetin “Pierr dhe Maria Kiri”, në Sorbonë dhe profesor në Kolegjin e Francës;
• të prezantojë procesin e tranzicionit të energjisë në Francë dhe në vendet evropiane, falë prezantimit të znj. Mihaela ZHIRTAN, profesoreshë në Universitetin e Anezhes.
Pjesa tjetër do t’u mundësojë pjesëmarrësve vendas të shprehen në lidhje me dy problemet kryesore të kryeqytetit: ngrohja, burim kryesor i ndotjes, si dhe kthimi dhe përshtatja e transportit publik.
Debati do të jetë me përkthim simultan.
Me mbështetjen e Institut Francez në Paris.
