Spektakël vallëzimi « F_AI_LLE » – K.Danse | Më 10.03.2026

Në kuadër të muajit të Frankofonisë, Instituti Francez në Shkup në partneritet me Tanc-Festin dhe Interartin ju prezanton grupin e vallëzimit K. Danse, i cili do të marrë pjesë në një sërë aktivitetesh që bashkojnë vallëzimin bashkëkohor, krijimin dixhital dhe qasjen inovative.

I krijuar në vitin 2024, performanca e vallëzimit “F_AI_LLE” është njëkohësisht një instalim interaktiv, që eksploron dialogun midis trupit të njeriut dhe inteligjencës artificiale. Në skenë, vallëzimi hyrës inicion vendosjen: një pajisje që kap lëvizjet dhe i interpreton ato drejtpërdrejt përmes inteligjencës artificiale.

Sa më shumë që lëvizjet janë të fragmentuara, aq më e thjeshtë dhe më e qartë bëhet shfaqja vizuale e trupit në lëvizje. Anasjelltas, lëvizjet individuale dhe të papritura gjenerojnë forma komplekse vizuale dhe zanore, duke ftuar në hulumtim të lirë të trupit dhe shprehjes.

Në kryqëzimin mes vallëzimit dhe eksplorimit dixhital, kjo vepër vë në pikëpyetje marrëdhënien tonë me normat, teknologjinë dhe kreativitetin. Performanca paraqet një përvojë shqisore, në të cilën takohen dy inteligjenca: ajo fizike-njerëzore dhe ajo e pajisjeve. Çdo pjesëmarrës bëhet bashkëkrijues dhe dëshmon një vepër unike që ndryshon sipas lëvizjes dhe marrëdhënies së tyre me inteligjencën artificiale. Në kuadër të vizitës së trupës, është planifikuar një program punëtorish nga data 9 deri më 13 mars në disa qytete në të gjithë vendin — Shkup, Manastir dhe Tetovë — nën udhëheqjen e koreografit Zhan-Mark Matos.

Këto punëtori, të destinuara për profesionistë të vallëzimit, interpretues të rinj dhe mësimdhënës të gjuhës frënge, eksplorojnë lidhjet midis lëvizjes, gjuhës dhe inovacionit pedagogjik. Ky projekt, i mbështetur nga programi FEF “Artet dixhitale”, nxjerr në pah vitalitetin e krijimtarisë bashkëkohore frankofone dhe në të njëjtën kohë forcon bashkëpunimet artistike midis Francës dhe Maqedonisë së Veriut. Më shumë informata rreth Tanc-Festit.