17 Apr Instituti Francez shënon 50 vjetorin | Takim me shkrimtarin, Matijas Enar, fitues i çmimit më prestigjioz letrar francez “Gonkur” | 19.06.2024
Të mërkurën, më 19 qershor 2024, në orën 19 | Në Europe House
Takim me shkrimtarin, Matijas Enar, fitues i çmimit më prestigjioz letrar francez “Gonkur” në vitin 2015
Matias Enar, shkrimtar atipik
Takimi organizohet në bashkëpunim me shtëpinë botuese “Antolog”
–
Matias Enar është shkrimtar dhe përkthyes francez. Pas shkollimit në Shkollën e Luvrit, ai vajti për të studiuar arabisht dhe persisht në INALCO (Institutin e Studimeve të Gjuhëve Orientale). Pas një qëndrimi të gjatë në Lindjen e Mesme, ai u shpërngul në vitin 2000 në Barcelonë. Aty redaktoi disa revista në fushën e kulturës. Ai ishte gjithashtu edhe anëtar i redaksisë së revistës “Inculte” në Paris, ndërkaq në vitin 2010, ai ligjëroi arabisht në Universitetin e vjeshtës në Barcelonë.
“Gjuajtje e përsosur” është romani i tij i parë, i botuar në vitin 2003. Një vit më pas, ai fitoi çmimet “Le Prix des cinq continents de la francophonie” (Çmimi i pesë kontinenteve të frankofonisë) dhe “Prix Edmée-de-La-Rochefoucauld”, ndërkaq u përfshi gjithashtu edhe në përzgjedhjen e Festivalit të romanit fillestar 2004.
Në vitin 2008, shtëpia botuese “Actes Sud” botoi romanin e tij “Zona”, i cili është specific, sepse përmban vetëm një fjali në vetën e parë, ndërkaq numëron deri në pesëqind faqe. Ka fituar disa çmime, duke përfshirë edhe çmimet: Prix Décembre 2008, Prix Candide dhe Prix du Livre Inter 2009.
Në vitin 2012, shtëpia botuese “Actes Sud” botoi veprën “Rruga e vjedhësve”, e cila në thelb është një udhëpërshkrim i një të riu maroken, i cili endet nëpër Spanjë gjatë Pranverës Arabe dhe protestave të mëdha spanjolle.
Në vitin 2015, ai fitoi çmimin “Gonkur”, për romanin e tij “Busulla”, i cili trajton pikëpamjen dhe këndvështrimin e Orientit kundruall Oksidentit.
Në vitin 2020, ai botoi romanin “Banketi vjetor i vëllazërisë së varrmihësve”. Nga shtatori i po këtij viti, ai bëhet producent dhe drejtues i emisionit kushtuar letërsisë, me titull “La Salle des machines”, (shq. Salla e makinave), i cili transmetohet në kanalin “France-Culture”.
Pas qëndrimit të shkurtër të autorit në vitin 2019, Matijas Enar vjen sërish në Shkup, për të realizuar takimin e madh letrar me publikun e lexuesve.
