следете ги нашите активности на mail

site map

Образование и француски јазик

Летен регионален универзитет во Струга 2017

 

 Запишете се директно на веб страната на Летниот универзитет во Струга

 

Со повеќе од петнаесетгодишно искуство во организацијата на Летниот регионален универзитет во Струга, оваа школа нуди образовни модули за квалитетна обука на околу сто наставници од Македонија и од соседните земји. Францускиот институт во Скопје има за цел да го зајакне регионалниот карактер на овој универзитет преку постојана обука на наставниците на и по француски јазик во Југоисточна Европа.

19-тото издание на Летниот универзитет е координирано од страна на Францускиот институт во Скопје во содејство со институтите од уште три земји: Албанија, Хрватска и Србија.

Модулите за обука, освен за наставниците од овие четири земји, се наменети и за наставниците од 8-те останати земји во регионот: Бугарија, Грција, Унгарија, Косово, Црна Гора, Романија, Словачка и Турција.
Барањата на наставниците и од други земји ќе бидат разгледани.

Овогодишното издание на Летниот универзитет ќе се одржи од понеделник 3 до петок 7 јули 2017.

Летниот регионален универзитет во Струга нуди 5 модули и 18 часа обука за секој од нив.

Наставникот којшто се запишува на еден модул е обврзан да го следи истиот во целост, а врз таа основа ќе му биде доделен сертификат за следење на обуката.

Предавачите на универзитетот се професионалци и експерти во нивната областа на делување.

Освен 5-те основни модули, за сите учесници дополнително ќе бидат организирани: модул за вовед асоцијативно делување во служба на изучувањето на францускиот јазик, анимиран од страна на Меѓународната федерација на професори по француски јазик, и попладневни тематски работилници за да се зајакнат професионалните размени.

Главната цел на Летниот универзитет е да му даде поголема видливост на францускиот јазик, да го зајакне местото на францускиот јазик во образовните системи на земјите учеснички и да се создаде реална поврзаност и професионални размени помеѓу наставниците од сите земји.

За да дознаете повеќе за следното издание на Универзитетот, ве молиме посетете ја веб страната на Летниот универзитет во Струга.