следете ги нашите активности на mail

site map

Култура

Семинар
„Скопје наспроти предизвиците на животната средина“


Вторник 27 ноември 2018, 10 ч.| ЕУ инфо центар

Семинарот „Скопје наспроти предизвиците на животната средина“, поддржан од Францускиот институт во Париз во рамките на Фондот Д’Аламбер, се одржа на 27 ноември 2018, во ЕУ инфо центарот, во присуство на бројна и мотивирана публика.

Скопје како главен град страда од вообичаените проблеми: големо загадување во зимскиот период, густ сообраќај, непрекинато никнување на нови градби, ширење на градот, потреба од подобрување на средствата за јавен сообраќај, недоволно присуство на зелени површини, зголемена миграција во градовите...

Настанот, кој опфати две тематики, загадување на воздухот и урбанистичките проблеми на градот, официјално го отворија Н.Е. г-дин Кристијан Тимоние, Амбасадор на Франција, кој ја истакна итноста од изнаоѓање мерки за заштита на животната околина и здравјето на граѓаните, додека, пак, Градоначалникот на Скопје, г-дин Петре Шилегов, и Заменикот министерот за животна средина и просторно планирање, г-дин Јани Макрадули, ги изложија мерките што ги преземаат македонските власти.

Двете француски учеснички, г-ѓа Мишел Лари-Шарлис, директорка на Бордо Метропола 2050, и на г-ѓа Софи Муктар, од асоцијацијата Airparif за чистотата на возухот во регионот Ил-де-Франс, имаа свои излагања на семинарот, покрај десетината домашни панелисти од граѓанскиот, општинскиот, научниот и бизнис секторот.

Настанот допре една особено актуелна тематика, наиде на интерес кај медиумите и поттикна на активна дебата со присутната публика.

 

*     *     *     *

Погледнете ја програмата на семинарот

Линк кон статии во медиумите

Кусо резиме на настанот на Твитер профилот на Францускиот институт со #SkopjeEco2018

Линк кон галерија со фотографии од настанот

*     *     *     *

ДОКУМЕНТАРЕН КИНО-КЛУБ
„Последните денови на Шибати“

Вторник 27 ноември 2018, 18 ч. | Кинотека на Македонија

Во огромниот град Шонкинг, последниот голем кварт е на работ на уништување, а неговите жители се преселени. Режисерот се спријателува со малечкиот Зу Хонг и со госпоѓата Ху Лиан, последните сведоци на еден свет кој наскоро ќе исчезне.
Филмот на тема екологија и урбанизам беше прикажан како дополнителна програма на големиот семинар за зачувување на животната средина во град Скопје.