следете ги нашите активности на mail

site map

Култура

Регионален научен собир на тема

„Како се пишува историјата: од сеќавање до запис“

Петок 16 ноември, 10 часот | ЕУ инфо центар


Пишувањето на современата историја денес се соочува со бројни предизвици, особено кога е во прашање блиската историја на народите кои преживеале конфликт.

Во текот на изминатиов четврт век, Балканот мина низ период обележан со болни и трагични случувања. 

Како да се пишува историјата и како да се води политика на помирување? 
Како да се направи осврт кон болните тематики и национализмот? 
Како да се постигне еден помирувачки поглед кон конфликтите во блиското минато?

Само отворениот и непристрасен осврт кон современата историја, осврт којшто ги негува сеќавањето и граѓанската должност, може да доведе до помирување и зближување. 

Научниот собир, којшто се одржа со поддршка на Канцеларијата за соработка Македонија - Нормандија, а беше отворен од Н.Е. г-дин Кристијан Тимоние, Амбасадор на Франција, на едно место собра повеќе екперти и историчари, како г-дин Жан-Кростоф Буисон, помошник директор во списанието „Фигаро Магазин“, г-дин Беноа Ивер, директор на издавачката куќа „Перен“, г-дин Емануел Ешт, новинар и историчар, г-дин Флорин Туркану, професор од Букурешт, г-дин Артан Путо, професор од Тирана, г-дин Петар Тодоров, историчар, и г-дин Роберт Јанкулоски, професор и фотограф.
Сите учесници дадоа особено интересна излагања поврзани со различни историски периоди и наидоа на голем интерес кај публиката со којашто развија опширна дебата.

Погледнете ја програмата на научната средба.

Линк кон галерија со фотографии.