следете ги нашите активности на mail

site map

Култура

ИН витрини во Францускиот институт

Отворање на изложбата 
„Новиот бран“

Среда 28 февруари 2018, 18 часот | Француски институт во Скопје

 

По повод 25-та годишнина од воспоставувањето на дипломатски односи помеѓу Франција и Македонија, Францускиот институт во Скопје, во соработка со Технолошко-металуршкиот факултет во Скопје, ја организира изложбата „Новиот бран“.

Отворањето на изложбата се случува во предвечерието на месец март, во знак на отворање на месецот на Франкофонијата.

Францускиот институт беше претесен за прекрасната, млада и заинтересирана публика на отворањето на изложбата на модните креации на студентите на Институт за моден дизајн на технолошко-Металуршкиот факултет во Скопје: Ангела Доневска, Христина Христова, Даниела Ѓуровска, Надица Илиева, Магдалена Георгиевска, Тамара Ивковиќ, Димитрина Маџовска, Медаин Аслан и Марјан Бебекоски.

Изложбата ја отворија со пригодни говори: Н.Е. г-дин Кристијан Тимоние, Амбасадор на Франција, и г-ѓа Лидија Георгиева, професорка и реномирана дизајнерка, по што следеше интересна презентација на искуствата за време на престојот во септември минатата година на Модната недела во Париз од страна на трите студентки на Технолошко-металуршкиот факултет и идни млади дизајнерки.

Новиот бран е движење во француската кинематографија кон крајот на 50-тите и почетокот на 60-тите години, преку кое францускиот филм се отвори за еден поинаков, нов начин на снимање филмови, којшто и’ се спротистави на традицијата. Општествените промени и промената на начинот на живеење, желбата да се трансформира филмот и да се прекине со минатото се во средиштето на Новиот бран. Студентите на Институтот за дизајн и инженеринг на облека преку нивните креации го прикажаа нивниот поглед кон овој феномен.

Тие работеа под менторство на Лидија Георгиева, реномирана дизајнерка и професорка на Технолошко-металуршкиот факултет во Скопје.

Линк кон галерија со фотографии од настанот.

Едиторијал „Излог“ на Емануел Рембер.