следете ги нашите активности на mail

site map

Култура

КУЛТУРНИ МОСТОВИ
Јуни - Јули - Август 2019

ФРАНКОФОНИЈА/ЕКОЛОГИЈА
Петок 7 јуни 2019, 10 часот Крушево
Екологија
« Франкофоните за Крушево, зелен град »
Францускиот институт во Скопје, во соработка со Општина Крушево, Амбасадата на Швајцарија и Гоу Грин-Биди Зелен организираат голема еколошка и едукативна акција во градот Крушево, со поддршка од средношколци, ученици по француски јазик и многубројни франкофони.
Оваа активност, која ќе се одржи во рамките на Светскиот ден на екологијата, има за цел пред сè да ја подигне свеста на јавноста за некористење на пластиката, ставајќи притоа акцент крадот со ретка убавина : Крушево.

МЕДИЈАТЕКА
Вторник 11 јуни 2019, 11 часот | Медијатека на Француски институт во Скопје
Анимација во медијатеката на Институтот за најмладите
« Запознајте се со стриповите на Ариол »

ТЕАТАР / ПРЕВОД
Четврток 13ти јуни 2019, 11 часот | Дом на култура во Прилеп
Тркалезна маса со Доминик Долмиу, основач и претседател на Еуродрам
« Преведување на театарски претстави »
Францускиот институт во Скопје го помага доаѓањето на Доминик Долмиe, основач и претседател на Еуродрам, европска преведувачка мрежа за театарски дела. Доминик Долмиe ќе анимира тркалезна маса во рамките на традиционалниот театарски фестивал „Војдан Чернодрински“ во Прилеп, на тема преведување на театарски дела.
Доминик Долмиe ја води Maison d’Europe et d’Orient заедно со Селин Барк, уште од нејзините почетоци. Тие заедно го реализираа колективниот проект од меѓународен карактер Мали/Мали во Источна Европа, потоа средбите наречени Генерална балканизација, како и фестивалите Југ/Исток и Пролет во Париз. Тој има предводено разновидни настани во дваесетина држави низ Европа, главно на Балканот и во областа Кавказ. Доминик Долмиe даде свој придонес во преведувањето на француски на неколку македонски театарски претстави, меѓу кои спаѓа и митскиот текст на Дејан Дуковски, „Буре барут“.

ФРАНЦУСКИ КИНО-КЛУБ
Вторник 18 јуни 2019, 20 часот | Кинотека на Северна Македонија
Проекција на филм « Убавицата и убавицата »
на Софи Филиер (2017, 1h35), со Сандрин Киберлен, Агат Боницер и Мелвил Пупо.
Дваесетгодишната Марго ја запознава четириесетипетгодишната Марго: сè ги поврзува, се испоставува дека тие се една иста личност на две различни возрасти од нивниот живот.
Не пропуштајте ја последната проекција на францускиот кино-клуб пред летниот одмор !

ОБУКА ЗА ПРОФЕСОРИ ПО ФРАНЦУСКИ ЈАЗИК
Понеделник 1 јули 2019, 18 часот | Хотел Дрим во Струга
Официјално отворање на 21-то издание на Летен регионален универзитет во Струга
Традиционалниот Летен универзитет во Струга е еден од клучните педагошки активности, кој секоја година обединува стотина професори од Северна Македонија и земјите од регионот, давајќи им прилика да стекнат со нови способности низ различни модули во повеќедневен формат.
Летниот универзитет ќе биде официјално отворен од г-дин Арбер Адеми, Министер за образование на Северна Македонија, и Н.Е. г-дин Кристијан Тимоние, Амбасадор на Франција.
Г-дин Жан-Лик Коаталем, помошен уредник на списанието „Жео“, писател и автор на повеќе книги, во оваа прилика ќе одржи воведно предавање на тема патување.
Летниот универзитет во Струга ќе трае до 5 јули 2019.

ТЕАТАР
Четврток 4 јули 2019, 19 часот | Хотел Дрим во Струга
Театарска претстава во рамките на Летниот универзитет во Струга
„Брел е жив јазик“
Во срцето на големата метропола Лил, чија трансфронтална и европска димензија непрекинато се потврдува, две културни институции, Здружението Жан-Марк Шото од Туркуан и Културниот центар Мускронуа од Мускрон, одлучија да ги соединат нивните способности и да го основаат Трансфронтален центар на театарската креација.
Под името La Virgule, двете екипи се збогатуваат преку судирот на праксата и естетиката и создаваат заеднички претстави кои се ја доведуваат во прашање сегашноста, како преку современи пишани дела, така и пренесување на големите текстови од европското наследство на театарската сцена, или пак преку сослушување на луѓето и потоа истите ги изразуваат низ театарска игра на да се изразат на меморијални места.
Театарот La Virgule од Лил, преку неговите два актери, Карол Ле Сон и Ерик Леблан, ќе направи повторно да ги доживееме зборовите на незаборавната интерпретација на « Ne me quitte pas », « Le plat pays » ou « Amsterdam ». Не го пропуштајте!

ФИЛМ
Четврток 18 јули 2019, 21:30 часот | Плажа « Оревче » во Охрид
Отворање на Beach film festival во Охрид со филмот
« Лицето на ангелот » на Ванеса Филхо (2018, 1h48), со Марион Котијар, Ајлин Аксој-Летекс и Албан Леноар
Учество на Францускиот институт во Скопје во второто издание на овој летен филмски фестивал.
Една млада жена живее сама со својата осумгодишна ќерка. Една вечер таа запознава еден човек во дискотека и решава да замине со него, оставајќи ја ќерка си препуштена сама на себе.

ФЕСТИВАЛ ОХРИДСКО ЛЕТО
Сабота 10 август 2019, 20 часот | Црква Света Софија во Охрид
Француска вечер во рамките на фестивалот Охридско лето со дуото:
Жое Кристоф – кларинет
Венсан Миса - пијано

Жое Кристоф ги започнува студиите во родното место и потоа продолжува на Конзерваториумот во Валенсиен во класата на Каролин Делмот. По усовршувањето кај Оливие Дербес, професор на Конзерваториумот во 19 арондисман, Жое беше примен на Националниот конзерваториум за музика и танц во Париз под менторство на Филип Беро и неговиот помошник и колега Арно Лерој. Како реномиран кларинетист во оркестар, Жое е редовно ангажиран од страна на професионалните ансамбли како Оркестарот на Париз, Камерниот оркестар на Версај, Симфонија Поп Оркестра или Опера де Лимож кадешто работи како соло кларинетист. За време на европската турнеја во 2016, Жое настапува како соло кларинестист во Францускиот младински оркестар. Со вакво богато искуство тој добива шанса да настапува во престижните концертни сали како Париската филхармонија, Аудиториум на Радио-Франс, Гранд Рекс, Берлинскиот Концертхаус или Курхаус Мерано во Италија.

По завршувањето на своето образование на Конзерваториумот во Тулуз, Венсан Миса влегува во Националниот конзерваториум за музика и танц во Париз во 2014 во класата на Дениз Паскал. Истата година, за време на престојот во Cité internationale des arts, тој остварува многубројни средби кои му помагаат во експанзија на неговиот уметнички дух. Сакајќи да ги збогати своите знаења, во повеќе наврати изведува сонати на Бетовен и делата на Шопен во Академијата Абе де Ројамон. Кариерата ја збогатува како солист со 14-тиот концерт на Моцарт цо Камерниот оркестар на Нова Европа и, во последно време, со Кралскиот филхармониски оркестар на Лондон. Со доаѓањето на Филип Јаруски на чело на Академијата, во 2018 година има редовни професионални средби со пијанистот Давид Кадуш и со концерти на Новата Seine Musicale de l’île Seguin. Венсан Миса е лауреат на Фондацијата Ројамонт.


Програма на концертот :
Франсис Пуленк, Соната за кларинет и пијано (14’)
Клод Дебиси, Првата рапсодија (8’)
Бела Ковач, Омаж на Клод Дебиси за соло кларинет (3’)
Анри Дутиле, На брановите, 6 дела за пијано (12’)
Роберт Шуман, Fantasiestücke Op. 73 (12’)
Јохан Брамс, оп.120 Соната за кларинет и пијано, N°1 (25’)


Во подготовка за крај на август 2019 :
¤ Уметнички престој во Скопје на уметникот Пол Гунон во рамките на европската програма I-Portunis, на покана на Галеријата Акантус во Скопје.
¤ Од 21 до 26 август 2019, учество на француската поетеса Ирен Гајро на Струшки вечери на поезијата, со поддршка на Францускиот институт во Скопје и предавање на Емануел Рембер за животот и делото на белгискиот поет Жан-Клод Пирот во рамките на фестивалот.

¤ Од 21 до 28 август 2019, учество на Францускиот институт во Скопје на Фестивалот на креативен документарен филм „МакеДокс“, со учество на француските синеасти: режисерката Ан Жорже, режисерот Венсан Дитр, продуцентот Виктор Ед и продуцентката Кристин Камдесу којашто е воедно и уметничката директорка на Фестивалот на документарниот филм во Биариц.

* * *

МЕДИЈАТЕКА
Во текот на целата година, медијатеката ви предлага тематски анимации за млади, отворени за публиката.

Земете членска картичка и пристапете до бројните понуди на медијатеката на Францускиот институт. Сите членови добиваат бесплатно членство на онлајн медијатеката Culturethèque, којашто е особено богата со дигитални ресурси од најразновидни области !
Новитетите за пролет/лето пристигнаа и веќе се на ваше располагање.

* * *

ЧАСОВИ ПО ФРАНЦУСКИ ЈАЗИК
Повеќе од 1 000 уписи годишно, повеќе од 3 500 одржани часови годишно, 600 ученици и 20 години квалитет и искуство во организирање часови по француски јазик за деца, основци, средношколци и возрасни, за сите нивоа и потреби!

Летна интензивна сесија 2019
Уписи: од 10 до 14 јуни 2019, во Францускиот институт во Скопје.
Наставата се одвива од 17 до 25 јуни.

* * *

МЕЃУНАРОДНИ ИСПИТИ И ДИПЛОМИ
Полагајте за меѓународно призната диплома DELF/DALF којашто го потврдува вашето ниво на познавање на францускиот јазик!

Испитна сесија - октомври 2019
Уписи: од 16 до 27 септември.
Дати на испити:
A1 Junior / A1 Tout public - 25/10/2019
A2 Junior / A2 Tout public - 28/10/2019
B1 Junior / B1 Tout public - 29/10/2019
B2 Junior / B2 Tout public - 30/10/2019
C1 / C2 - 31/10/2019
Повеќе информации на линкот.

* * *

СТУДИИ ВО ФРАНЦИЈА
Студирајте по пристапни цени и стекнете се со француска диплома !