следете ги нашите активности на mail

site map

Култура

Есенски културни мостови 2018

Францускиот институт во Скопје ве кани оваа есен на богата и разновидна програма која ќе содржи активности од областа на книжевноста, гастрономијатa, виното, франкофонијата, филмот, историјата, како и други тематики.
Следете нè на нашата веб страна и на социјалните мрежи! Повелете на нашите средби и настани!

ФРАНКОФОНИЈА
Сабота 15 септември 2018, 18 ч. | Хотел „Метропол“, Охрид

Отворање на Олимпијади по францускиот јазик
Голем број значајни личности ќе бидат дел од овој настан, меѓу кои г-ѓа Рени Јотова, директорка на Регионалното биро на Меѓународната организација на Франкофонијата во Букурешт, и г-ѓа Сесил Леке-Фолкини, директорка на Регионалниот франкофонски центар за обуки КРЕФЕКО во Софија.

ФИЛМ
Сабота 22 септември 2018, 20 ч. | Центар за култура - Битола
Отворање на Интернационалниот фестивал за филмска камера „Браќа Манаки“
Францускиот институт во Скопје учествува во новото издание на овој најзначаен филмски фестивал во Македонија, преку гостувањето на директорот на фотографија Ерик Готје. На програмата се предвидени проекции на повеќе француски филмови. Фестивалот се одржува од 22 до 29 септември 2018.

ФРАНКОФОНИЈА
Четврток 27 септември 2018, 11 ч. | 
Филолошки факултет во Скопје Отворање на Универзитетскиот центар за успех на Универзитетот „Св. Кирил и Методиј“ - Скопје
Универзитетската агенција за Франкофонија (AUF) го помогна отворањето на Центарот за универзитетски успех (CRU) на Филолошкиот факултет „Блаже Конески“ во Скопје. Ова франкофонско катче е плод на тесната соработка помеѓу Универзитетот „Св. Кирил и Методиј“, AUF и Францускиот институт во Скопје.

ЕВРОПСКИ ДЕН НА КУЛТУРНОТО НАСЛЕДСТВО
Петок 28 септември 2018, 9 ч. | ЕУ инфо центар
Семинар за зачувување и промоција на манастирот во Курбиново
Здружението „Македонида“ во Скопје, со поддршка на Амбасадата на Франција и Францускиот институт, повеќе години наназад делуваат во насока на зачувување на вредноста на манастирот во Курбиново, бисер од 12-тиот век којшто е во фаза на реставрација. Семинарот има за цел да го промовира овој недоволно познат културно-историски споменик. Со учество на повеќе европски експерти меѓу кои г-дин Ерве Декломенил, француски архитект којшто пред кусо време објави студија за овој манастир.

ДВЕ НЕДЕЛИ НА ТЕМА „МАКЕДОНСКОТО ВИНО И ПРИЈАТЕЛИТЕ“
Во период од две недели, Францускиот институт во Скопје ќе ги посети винарските визби низ Македонија. За таа цел поканивме познавачи на виното: Себастијен Лапак и Оливие Пишери, првиот книжевен критичар во Figaro и автор на хроники во Vin de France, другиот винар во долината на Лоара. Тие ќе ги споделат нивните мислења за француските и македонските вина.

Четврток 4 октомври, 17ч| Француска резиденција
Предавање на Оливие Пишери
„Органските вина во Франција“
По предавањето следи дегустација на органски вина.

Петок 5 октомври,17ч| Француска алијанса Битола
Предавање на Оливие Пишери
„Духот на органското вино и лозарството“

Четврток 1 ноември, 18 ч. | Француски институт
Предавање на Себастијен Лапак и дегустација „Виното, пишаниот збор и нивните љубители“
Со оглед на ограничениот простор во Францускиот институт, присуството е со покана.

ОДБЕЛЕЖУВАЊЕ НА 25 ГОДИНИ ДИПЛОМАТСКИ ОДНОСИ
Сабота 6 октомври 2018, 10 ч. | „Евро-сет“
Дипломатски тениски турнир
Секоја година, Министерствотот за надворешни работи организира дипломатски тениски турнир. Ова издание е во знакот на 25-годишнината од воспоставувањето на дипломатски односи помеѓу Франција и Македонија. Со поддршка на „Зегин“ и на „Euroimpex Peugeot“. 

КНИЖЕВНОСТ
Понеделник 15 октомври 2018, 12 ч. | Катедра за француски при Филолошки факултет
Книжевна средба со авторот Матијас Енар
Овој автор булимичар во 2015 година ја освои престижната книжевна награда Goncourt за романот „Компас“, дело прожнеано со кризи на идентитетот и човечки трагедии кои беснеат во Сирија. Не пропуштајте!

КИНО-КЛУБ
Петок 19 октомври 2018, 20 ч. | Кинотека на Македонија
Проекција на филмот „М“ на Сара Форестие (2017),
со Сара Форестие и Редуан Аржан
Една прекрасна љубовна приказна за почеток на новата сезона на францускиот кино-клуб!

МОДА
Четврток 25 октомври, 18 ч. | Француски институт
Презентации на добитничките на модниот конкурс на Интернационалниот институт за мода „Изет Цури“
Трите добитнички ќе ги претстават нивните креации во излогот на Францускиот институт и ќе ги споделат нивните впечатоци со публиката за модните трендови по нивната посета на Париз.

СТУДИИ ВО ФРАНЦИЈА
Четврток 1 ноември 2018, 12 ч. | Национална и универзитетска библиотека „Св. Климент Охридски“ - Скопје
Саем за студии во Франција
Со учество на повеќе француски универзитети и претставници на франкофонски студиски програми во регионот.

ИСТОРИЈА
Понеделник 12 ноември 2018, 12 ч. | Катедра за историја, Филозофски факултет Скопје
Предавање на г-дин Кристијан Тимоние
„Стогодишнина од Првата светска војна“
Во рамките на комеморацијата по повод стогодишнината од Првата светска војна, г-дин Кристијан Тимоние, Амбасадор на Франција, ќе одржи предавање за малку заборавениот Македонскиот фронт во Првата светска војна.

Петок 16 ноември 2018, 10 ч. | ЕУ инфо центар
Регионална научна конференција
„Како се пишува историјата?“
Со учество на повеќе француски, домашни и регионални експерти и историчари меѓу кои г-дин Жан-Кристоф Буисон, помошник директор на „Фигаро Магазин“, г-дин Беноа Ивер, директор на издавачката куќа Perrin, г-дин Емануел Ешт, г-дин Петар Тодоров и други реномирани интелектуалци.
Со поддршка на Охридска банка - Société Générale.

ДЕБАТА НА ИДЕИ
Вторник 27 ноември 2018, 10 ч. | ЕУ инфо центар
„Балканските градови наспроти големите предизвици на животната средина“
Францускиот институт во Скопје, во соработка со град Скопје и повеќе домашни партнери, организира семинар со учество на македоснски и француски експерти меѓу кои г-ѓа Мишел Лари-Шарлис, директорка на Бордо-Метропола, и на г-ѓа Карин Леже, директорка за меѓународни односи на здружението Airparif за чист воздух во регионот Ил-де-Франс. Проектот е поддржан од Fonds d’Alembert и Францускиот институт во Париз.

ДОКУМЕНТАРЕН КИНО-КЛУБ
Среда 28 ноември 2018, 20 ч. | Кинотека на Македонија
Проекција на документарните филмови:
„Бразилија, обновениот град“
„Шандигар и како да се планира среќата“
Францускиот кино-клуб ви предлага два интересни документарци на тема екологија и урбанизам, како дополнителна програма на големиот семинар за зачувување на животната средина во град Скопје.

ИЗЛОЖБА
Четврток 6 декември 2018, 20 ч.  | Културен центар „Мала станица“
Отворање на изложбата на фотографии
„Познатите портрети на Надар“
Надар е еден од најзначајните фотографи на 19-тиот век, познат по неговите портрети на еминентни интелектуалци, писатели и уметници од овој период како: Теофил Готје, Марселин Деборд-Валмор, Жерар де Нервал, Гистав Доре, Бодлер и многу други. Оваа уникатна изложба содржи 41 репродукција, којашто ни беше ставена на распологање од музејот Jeu de Paume.

* * *

МЕДИЈАТЕКА
Претстојнава есен медијатеката ви предлага тематски анимации за млади, отворени за публиката.

Сабота 13 октомври 2018, 12 ч. | Француски институт во Скопје
Анимација за деца и млади
„Да се запознаеме со француската гастрономија“

Сабота 24 ноември 2018, 12 ч. | Француски институт во Скопје
Анимација за деца и млади
„Што е аудио книга?“

Сабота 22 декември 2018, 12 ч. | Француски институт во Скопје
Анимација за деца и млади
„Замисли ја Франција“ (друштвена игра)

Земете членска картичка и пристапете до бројните понуди на медијатеката на Францускиот институт!
Сите членови добиваат бесплатно членство на онлајн медијатеката Culturethèque, којашто е особено богата со дигитални ресурси од најразновидни области !

* * *

ЧАСОВИ ПО ФРАНЦУСКИ ЈАЗИК

Повеќе од 1 000 уписи годишно, повеќе од 3 500 одржани часови годишно, 600 ученици и 20 години квалитет и искуство во организирање часови по француски јазик за деца, основци, средношколци и возрасни, за сите нивоа и потреби!

Есенска сесија 2018
Уписи: од 3 до 14 септември, во Францускиот институт во Скопје.
Наставата се одвива од 19 септември до 20 ноември 2018.

Зимска сесија 2018/2019
Уписи: од 12 до 23 ноември, во Францускиот институт во Скопје.
Наставата се одвива од 26 ноември до 28 јануари 2019.

* * *

МЕЃУНАРОДНИ ИСПИТИ И ДИПЛОМИ
Полагајте за меѓународно призната диплома DELF/DALF којашто го потврдува вашето ниво на познавање на францускиот јазик!

Испитна сесија - октомври 2018
Уписи: од 17 до 28 септември.

Дати на испити:
A1 Junior / A1 Tout public - 24/10/2018
A2 Junior / A2 Tout public - 25/10/2018
B1 Junior / B1 Tout public - 26/10/2018
B2 Junior / B2 Tout public - 29/10/2018
C1 / C2 - 30/10/2018

* * *

СТУДИИ ВО ФРАНЦИЈА
Студирајте по особено пристапни цени и стекнете се со француска диплома !
Уписите во прва година на државните француски универзитети се отворени до 22 јануари 2019.