следете ги нашите активности на mail

site map

Култура

Културни мостови 2019

Јануари

Францускиот институт во Скопје ви посакува успешна Нова година и ви предлага неколку активности за убав почеток на 2019-та година.

ФИЛМ
Петок 18 јануари 2019, 20 часот | Кинотека на Македонија
Француски кино-клуб: Циклус француски современ филм
„Казнен простор“ на Кристоф Режен (2017), со Франк Гастамбид и Иполит Жирардо  
Франк веќе 10 години живее на маргините на еден провинциски фудбалски клуб. Тој е без приходи, ниту општествен статус, но добро ги познава играчите, се грижи за нив и ги следи. Една вечер ќе ја запознае Саломе, поранешна љубовница на еден играч, вљубена во Џибрил, којшто, пак, живее на стара слава и доаѓа да ја заврши кариерата во фудбалскиот клуб.

ЕЛИСЕЈСКИ ДОГОВОР
Вторник 22 јануари 2019, 19 часот | Кино-сала на асоцијацијата „Лоја“ во Тетово
Одбележување на Елисејскиот договор со проекција на филмот

„Транзит“ на Кристијан Петзолд (2018), француско-германска копродукција, со Жан-Пјер Дарусен, Пола Бер и Франц Роговски
Дејството се случува во денешно време, во Марсеј, кога бегалци сонуваат да отпловат за Америка, сакајќи да ја избегнат фашистичката окупација. Меѓу нив, Германецот Георг го зема идентитетот на писателот Видел, којшто се самоубива бегајќи му на  непријателот. Тој ја користи визата за да стигне во Мексико. Сè 'ќе се промени кога Георг ќе се вљуби во таинствената Мари, која, пак, очајнички е во потрага по човекот што го сака и без кого не сака да замине...

ФОТОГРАФИЈА
Четврток 24 јануари 2019 2019, 18 часот | Француски институт во Скопје
Отворање на изложбата на фотографии на Роберт Јанкулоски во излогот на Францускиот институт во Скопје

„Париски перспективи“
Во излогот на Францускиот институт во Скопје ќе бидат поставени фотографии од Париз на Роберт Јанкулоски, Директор на Македонскиот центар за фотографија и еминентен познавач на делото на браќата Манаки.
Дојдете да ги погледнете!

СЕМИНАР ЗА ЕВРОПСКА ИНТЕГРАЦИЈА
Петок 25 јануари 2019, 9 часот | Клуб на пратеници
Отворање на семинарот
„Админстративна и министерска координација на работната група за преговорите за европска интеграција: клуч за успех“
Преку три панел дискусии, овој семинар ќе им даде на учесниците примери за успешна реализација на преговорите за европската интеграција. Неколку француски експерти ќе земат учество на овој научен собир.
Присуство со претходна најава.


Февруари

МОДА / ДИЗАЈН
Четврток 21 февруари 2019, 18 часот| Француски институт во Скопје
Презентација на изработките на студентиките на Интернационалниот институт за мода Изет Цури
Три студентки на Интернационалниот институт за мода престојуваа во Франција во рамките на Саемот Прет-а-Порте во Париз, којшто се одржа во втората половина на септември 2018 година. Јехона Кастрати, Дриада Демири и Љумтурије Ќамили ќе ги споделат нивните впечатоци од престојот, а во излогот на Францускиот институт ќе бидат изложени нивните креации.

* * *

МЕДИЈАТЕКА
Во текот на целата година, медијатеката ви предлага тематски анимации за млади, отворени за публиката.

Земете членска картичка и пристапете до бројните понуди на медијатеката на Францускиот институт!

Сите членови добиваат бесплатно членство на онлајн медијатеката Culturethèque, којашто е особено богата со дигитални ресурси од најразновидни области !

* * *

ЧАСОВИ ПО ФРАНЦУСКИ ЈАЗИК
Повеќе од 1 000 уписи годишно, повеќе од 3 500 одржани часови годишно, 600 ученици и 20 години квалитет и искуство во организирање часови по француски јазик за деца, основци, средношколци и возрасни, за сите нивоа и потреби!

Пролетна сесија 2019
Уписи: од 28 јануари до 8 февруари 2019, во Францускиот институт во Скопје.
Наставата се одвива од 11 февруари до 4 април 2019.

* * *

МЕЃУНАРОДНИ ИСПИТИ И ДИПЛОМИ
Полагајте за меѓународно призната диплома DELF/DALF којашто го потврдува вашето ниво на познавање на францускиот јазик!

Испитна сесија - февруари 2019
Уписи: од 14 до 25 јануари.

Дати на испити:
A1 Junior / A1 Tout public - 18/02/2019
A2 Junior / A2 Tout public - 19/02/2019
B1 Junior / B1 Tout public - 20/02/2019
B2 Junior / B2 Tout public - 21/02/2019
C1 / C2 - 22/02/2019

* * *

СТУДИИ ВО ФРАНЦИЈА
Студирајте по пристапни цени и стекнете се со француска диплома !

Уписите во прва година на државните француски универзитети се отворени до 1-ви февруари 2019.